› 選擇地區
三藩市
紐約
洛杉磯
其他美國地區
香港 台灣 北美
 
2018年01月19日

中環在線:陳德霖翻炒習主席金句 - 李華華

陳德霖對內地仍有人抱着「房價只升不跌」想法,別有感慨。資料圖片

金管局總裁陳德霖自2009年掌舵後,先後推出咗8輪逆周期風險措施,佢出口術寫文章,講樓市過熱同利率上升風險,講到口水都乾晒,不過樓市照樣熱火朝天,大銀行又話資金充裕唔駛急於加息,難怪佢噚日出席中國經濟研討會開幕致辭,對內地仍有人抱着「房價只升不跌」想法,別有感慨,仲翻炒習主席十九大報告金句:「房子是用來住的,不是用來炒的!」

佢話好認同「住房論」呢個見解,但亦好坦白咁講,對政府及監管當局而言,房地產市場,可能係最複雜、最難理解、最難管理好嘅市場,如何達致房子自用目標,係一門非常重要課題。

樓市瘋癲,又難怪陳總斯人獨憔悴嘅,連半年前仲預警緊樓市泡沬風險嘅前財經事務及庫務局局長陳家強,退休不久都要入市,雖然話明並非投資之用,但都證明樓市需求有幾熾熱!

李華華

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載