蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年01月29日

貨櫃碼頭起樓 麥齊光:可住30萬人
稱置業需求大 不會推冧樓市

13,227

【本報訊】港府覓地建屋困難,近日有聲音建議在葵涌貨櫃碼頭上建「空中樓閣」,發展局前局長麥齊光認為「有得做」,可為多達30萬人提供容身之所。他接受本報專訪時詳述,碼頭過去一直「曬貨箱」,一地兩用後,碼頭營運商可發展地產項目,香港市民有屋住,只要循序漸進推出新盤,不會推冧樓市。
記者:周家誠 陳家恩

相關新聞:恐損行業優勢 營運商:需深究

麥齊光離開政府退休後,一直低調在港大土木工程系教書,不過近日「大師兄」工程師學會前會長周明權拋出碼頭一地兩用方案,他認同對政府、市民、碼頭營運商均多贏,冀政府落實研究建議。
麥齊光指出,坊間曾建議搬走貨櫃碼頭,騰出市區空間起樓,但填海容納新貨櫃碼頭,最少要十年八年光景,反而直接在貨櫃堆場上蓋起樓,在工程學上可行,「火炭車廠上蓋起駿景園、將軍澳車廠上起日出康城,係有過往嘅經驗可以做到」。麥解釋,貨櫃碼頭上蓋興建物業,比起在鐵路車廠上蓋興建容易,「車廠路軌線形,中間嘅地方好窄好窄,如果咁都做到打樁……貨櫃堆場好似個棋盤咁,好似火柴盒咁搬嚟搬去,就更加容易打樁」。

力撐無噪音及光污染

建議方案中,工程師將分階段在貨櫃堆場打樁,最終建設一大型結構轉換層(Transfer Plate),平台上可以興建高樓大廈,平台下則繼續碼頭作業。不過麥齊光指現時貨櫃通常叠至約6層高,樓底或會稍高;至於碼頭邊緣貨櫃起重機位置,則會繼續保留,故此接近280公頃地中,只有八成會用來發展。
有市民質疑,建設如此龐大社區,如何解決交通配套事宜,麥齊光提到,貨櫃碼頭附近有3個港鐵站,即青衣、荔景及美孚站,亦鄰近3號幹線、8號幹線,可以到機場(大嶼山)、沙田(新界北)、西隧過海(香港島),屬非常理想之臨海地段。
至於碼頭噪音污染、光污染等問題多多,麥齊光舉例說:「德福花園、駿景園有冇嘈過?你個樓底遮住咗佢,噪音會少咗;光污染嘅話,如果向住海嗰邊起商場,已經遮住咗。」
麥齊光粗略估算,貨櫃碼頭上蓋規模,等於16個美孚新村或9個太古城,「可以起公屋,甚至學校、診所、公眾休憩地,係一個新市鎮,閒閒哋住20萬至30萬人」。
不過計劃正式落實前,尚有多個關卡要過,包括規劃、協商、改土地用途等,「如果前期工作完成,整地基、開始起樓,講緊嘅係幾年光景,可能4至5年已經起好第一幢樓」。目前置業需求大,麥齊光不認為項目會推冧樓市,而政府亦應同時推動其他方案,例如填海、鄉郊地、軍事用地等。

相關新聞:細單位氾濫 「住屋重質不重量」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載