› 選擇地區
三藩市
紐約
洛杉磯
其他美國地區
香港 台灣 北美
 
2018年01月31日

智取大市:尋找逆市升好股 - 晉佳

建滔積層板主席張國華(左二)及董事總經理張國強(左一)。資料圖片

大藍籌股、強勢股回吐,與此同時公用股向上,市場情緒同資金流出現短暫改變,如果港股能夠短暫回穩,似乎恒指都唔會直線爆升,較大機會回復慢牛狀態,說好的急升見頂,又係未有耐出現。
跌市反而係留意股票嘅好機會,原因係更容易察覺強勢板塊嘅存在,例如跌市靜雞雞逆市升嘅仲有睇頭。第一隻係建滔積層板(1888),連續5日升市錄陰燭,噚日就逆市升近2%,發放「跌夠啦」嘅宣言之餘,唔覺唔覺高位做咗個杯柄形態,多咗個中長線利好嘅訊號。
建滔板主要做覆銅面板,簡單講係大家成日見到嘅電腦底板,大概係未計半導體裝嵌前嘅半製成品,近年用得最多係手機、電腦、家電、汽車等等,以為近期手機行業進入小低潮、加上汽車股股價已盡反映增長前景之際,建滔板股價都受壓?實情係股價距離高位不遠。
建滔板之前公佈盈喜,預計舊年純利增長超過九成,即每股盈利至少1.233元,市盈率約11倍。對於呢隻周期性工業股嚟講,11倍PE本來唔算好平,但做得覆銅面板龍頭,一定受惠經濟升級潮,估計今年會繼續好景,股價未盡反映前景,長遠自然有計。

晉佳
http://fb.com/advanceguy1
本欄逢周一、三、五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載