› 選擇地區
三藩市
紐約
洛杉磯
其他美國地區
香港 台灣 北美
 
2018年02月02日

「舖王」梁紹鴻:舖租見底

大鴻輝主席梁紹鴻

【本報訊】縱橫舖市多年、本港著名「舖王」之一的大鴻輝主席梁紹鴻接受本報訪問表示,今年舖位租金穩定下來,但看不見有很大加租空間。民生舖有少許加租空間,加幅跟隨通脹,核心區處於調整階段,再跌幅度有限,「我覺得舖租見底」。

梁紹鴻表示,舖市租金穩定很多,再沒幾年前般下跌,其中民生舖租好轉,相信由於股票暢旺、香港失業率低,部份民生舖有少許加租空間,但不會大幅調整,加幅與通脹看齊。

他說:「民生舖不能大幅加租,其中一個原因係網購,影響零售生意。網購普及,始終有少許影響,網購平,又送到門口。但對食肆影響細,而且香港地方細,消費者網購一段時間,都鍾意行吓街、睇吓實物。始終舖有價值,但網購真係有影響,冇影響就假。」

核心區舖位方面,他認為,核心區舖位租金目前仍處調整階段,核心區舖租「唔起得」,「對比早年高位,租金一定跌咗一半。有啲核心區舖租高峯期100萬,𠵱家要減40至50%,但去到呢個位,暫時見到有支持,再跌幅度有限」。

他續稱,雖然核心區情況好轉,訪港旅客增加,但是否購物就另一回事,「佢喺歐洲買平過你喺香港買」,又指「以前大陸人一買就買20隻錶,𠵱家買一隻錶都睇一大輪,仲未必幫襯你,生意差好遠」。

他坦言,自己持有的核心區舖位一樣面對調整,「我話冇調整就呃你,始於要跟住市場走。但民生舖,例如位於藍田,有些少租可以加吓」。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載