› 選擇地區
三藩市
紐約
洛杉磯
其他美國地區
香港 台灣 北美
 
2018年02月02日

會師中環:大公司「山墳文化」 - 神仙丁

大公司搵山頭就如覓山墳,搵到個風水好嘅山頭,祖先保佑便可升上神枱。資料圖片

早前汪明荃汪阿姐在無綫頒獎禮爆出金句,叫公司「人工加多啲、休息時間多啲、山頭文化少啲」,就可以留到更多人才。前兩句固然放諸四海皆準,最後嗰句就更係唔少大公司嘅寫照。
以會計Big4為例,一條Team很多時便過百人,老闆又有三五七個,很自然便會分黨分派。大家不要以為會計師日日加班便沒閒情逸致搞山頭文化,其實不然,因核數項目以隊伍形式進行,時間一過很多老闆便會建立了自己的團隊,各據山頭。
整年間,要數代表「山頭文化」的盛事,一定要講年度職效評估。很多人以為畀分係講員工實力,但最後都係講你老闆的牙力。「畀分派對」說穿了就是老闆們拗手瓜的角力場,如果一個老闆有勢力,絕對可以一鎚定音,提升一隊人馬的分數及人工,哪怕佢哋只是表現平平,亦冇人反對,反之亦然。
故此,很多時員工們都會想泊個好碼頭,祈求路路亨通。但泊位除了技術,仲講運氣,例如入職時俾人派錯山頭就好難翻身。猶記得有同事曾講:「我個山頭,山墳而已。」其實佢都冇講錯,搵山頭就如覓山墳,你要做嘅不外乎都係搵個風水好嘅山頭,然後祈求山頭主人保佑,君不見公司有不少人因受祖先保佑便上了神枱嗎?

神仙丁
《審計搵丁》負責人
http://facebook.com/AuditSlave/
本欄逢周五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載