› 選擇地區
三藩市
紐約
洛杉磯
其他美國地區
香港 台灣 北美
 
2018年03月09日

日圓密密升!
阿信屋日韓貨比例企硬五成

日圓走勢轉強,由年初至今,每百日圓兌港元由6.9算起步,至今兩個多月已升7%,主打售賣日本貨品的店舖難免會受壓。CEC國際(759)旗下759阿信屋的產品以日貨作為賣點,主席林偉駿表示一定要維持日韓貨品於50%以上的高比例,否則吸引力會遜色,「我哋適宜賣呢啲貨,係唔會改變架」。

林偉駿透露阿信屋於去年曾因日圓上升而減少入日本貨,結果「吸引力真係弱咗」,所以去年九月起決定將日韓貨比例回復過半額,又指「因為啲客入嚟會覺得唔對版,我哋生意會差啲」。他又指如果日圓再上升,購買力便會較弱,因為貨物貴了,所以希望繼續維持48 %至55%的日韓貨品的入貨比例。

此外,他提及人民幣升值,入口內地貨品地有加價壓力,而美金和歐羅貨品同樣貴了,其中歐羅貨品貴的程度不下於日圓,並說只有澳洲貨品稍為低一點外,所有用港元結算兌換其他貨幣的貨品,同樣受壓,故「日本貨係冇必要(減少),因為周圍都貴咗」。

759阿信屋現時入貨的比例,約五成或以上來自日韓,約兩成來自歐洲,約兩成來自台灣及東南亞,其中泰國米已佔一成多,其餘的貨品則來自內地。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載