› 選擇地區
三藩市
紐約
洛杉磯
其他美國地區
香港 台灣 北美
 
2018年03月20日

金手指:行長劉鶴變易綱 - 孫柏文

易綱將會成新一任人民銀行行長。資料圖片

1979年,美國總統卡達搵番來嘅聯儲局局長Miller,只係做咗十八個月,就升職做財長。你可能話:「嘩!咁快升職,一定係交出咗啲亮麗嘅成績出來!」
如果你咁直線推斷,就錯晒。當年,花旗國通脹已完全失控,之前大幅飆升後,物價都仲年年雙位數字咁加。咁點解有咁嘅成績,都仲升佢職?冇錯,睇體制圖,聯儲局局長確實係財長嘅下屬。不過當美國財長連編預算案能力都冇,歸國會時,我問你,聯儲局局長powerful啲?定係財長?由聯儲局局長變財長,係咪真係升職?
回到今日,之前傳得火熱嘅新人民銀行行長劉鶴,大熱倒灶。新行長將會係現副首嘅易綱。劉鶴就被傳會管嗰個新嘅監控機構,一炮管晒所有同錢有關嘅團體。其實,孫柏文相信易綱同現行長周小川一樣,都係奧國學派信徒。即錢不能濫發,因啲人會瘋狂借錢,令過度投資,當啲新項目連息都還唔到,遲早爆煲。而爆嘅一刻,就係周小川之前講過嘅Minsky Moment。
不過,究竟新局會點?其實咁多舉動,都係中央希望對貨幣供應嘅控制增加。之前就算收緊,例如勒住銀行放貸,啲保險公司就推「投資產品」,令貨幣供應繼續增加。呢刻,好難解讀下一步係點。就睇吓習王(習近平加王岐山,唔好諗多咗!呵呵)下一步點搞。

孫柏文
獨立股評人
http://fb.com/shuen
本欄逢周二刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載