› 選擇地區
三藩市
紐約
洛杉磯
其他美國地區
香港 台灣 北美
 
2018年03月28日

Money Walker:利差擴闊的預示 - El.

喺美國經濟同加息周期領先其他經濟體下,弱美元係中長期趨勢。資料圖片

近日國際金融市場熱話除咗貿易戰,仲有美元倫敦銀行同業拆息(Libor)與隔夜指數掉期(OIS),兩者間之利差自2月起反覆攀升,且一度觸及金融海嘯後高位。
Libor與OIS利差上升,反映美元資金流動性變得緊張,因Libor係銀行同業間拆借成本,而該成本與OIS,即係央行隔夜利率,差距越大,意味銀行越唔願意借出資金,亦預示流動性出現問題嘅機會上升。因此,Libor與OIS利差被視作預示金融危機嘅指標之一,加上近月股市波動性增加,環球金融市場流動性開始為人擔心。
不過有分析指出,Libor與OIS利差擴闊,同美國加大財政開支下需要增加發債,以及稅改吸引美國企業將資金調回美國有關,而呢兩項令美元資金轉趨緊張嘅因素均屬短期,亦不致觸發流動性危機,所以唔需要擔心。
重點在於,如果環球流動性真係出事,不僅美元借貸成本,連主要非美貨幣融資成本都應該會跟隨美元上升。不過,暫時歐元、日圓同英鎊三隻主要貨幣,Libor與OIS之利差雖略有擴闊,但仍遠低於美元嘅Libor與OIS利差,意味流動性緊張情況依然以美元為主,並未擴大至全球層面。
值得留意嘅係,Libor與OIS嘅利差被視為預示美元走勢嘅指標,有研究顯示,該利差過往一般較美元走勢領先3個月。筆者唔認為美元流動性出現咗乜野大問題,亦相信喺美國經濟同加息周期領先其他經濟體下,弱美元係中長期趨勢,但已橫行數月嘅美匯指數,會否因上月開始出現嘅短暫流動性緊張,而於今夏來個短線反彈,值得留意。

El.
http://fb.com/moneywalkerhk
本欄逢周三刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載