› 選擇地區
三藩市
紐約
洛杉磯
其他美國地區
香港 台灣 北美
 
2018年03月29日

李嘉誠又換新錶!
太多人問 逼錶商瑞士返貨

李嘉誠基金會上年底,Post咗張相,係加州伯克萊大學教授杜德納,親自喺香港教超人利用3D打印的Lego展示DNA剪輯過程。點知呢張相,就意外俾大家發現超人有新錶。

李嘉誠戴咩錶,一直都係大家好關心嘅話題,事關超人戴嘅錶,一直都係唔離地,唔少人都買得起!好似佢過往戴過嘅疑似精工、疑似Citizen咁,價錢都好相宜。

話說,睇返李嘉誠基金會Post嘅相,就發現超人最近又換新表,疑似係瑞士雷達表(Rado)自動機械錶r5.5系列,由英國工業設計大師Jasper Morrison設計,主打高科技陶瓷物料,配藍寶石水晶玻璃錶面。

估唔到嘅係,李嘉誠張相輕輕一Post,就引來Fans跟進。消息人士向本報報料,話因為有客走去Rado舖頭問,話想要超人戴嗰款錶(疑似),點知當時香港無哂貨噃!

於是Rado徇眾要求,要求瑞士總公司供貨去香港,所以依家Rado香港旗艦店有得賣呢款表啦。至於想扮李嘉誠,當然要付上銀兩,呢款錶現售22,000元,呢個銀碼對呢位世界頂級富豪來講,濕濕碎啦。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載