› 選擇地區
三藩市
紐約
洛杉磯
其他美國地區
香港 台灣 北美
 
2018年04月03日

中環在線:
領展搵鼎爺sell街坊人情味 - 李華華

領展最請「鼎爺」拍咗輯廣告,大力sell街坊人情味。 互聯網圖片

領展(823)最近轉親民路線!請得大人細路至愛嘅「鼎爺」李家鼎整咗輯《領展卧虎藏龍記》,邀請旗下商場商戶上陣「比武」,又爭刀神又爭記單英雄;仲有幾集仲請咗舖頭話事人出鏡,講吓如何從做小販做到入商場,又講講街坊人情味,似乎想「出口術」轉sell小店情懷。

查實呢輯片相當有心思,聲音畫面質素靚不特止,上得鏡嘅都係屋邨商戶表表者,絕唔係一街都見嘅連鎖店,主打屋邨商場街坊人情味,兼大晒各自奮鬥史,加上鼎爺每句對白都十分肉緊,驟眼一望真係有令人久違的舊香港味道。至於match唔match就請諸位看倌自行判斷。

而最重要係,呢輯片背後嘅精神,完全配合領展一貫以來嘅形象。唔好誤會,華華講嘅係「計數」精神,事關短短幾分鐘嘅片入面,就算點講街坊情懷都好,都總係可以hard sell到領展如何幫助小商戶發圍,例如「領展喺裝修上都配合咗我哋好多」、「領展翻新咗嘅場好乾淨、好光猛、好乾爽,又年輕化」。

其實講得咁好,點解領展唔整番個facebook專頁,同廣大市民分享一下呢?

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載