› 選擇地區
三藩市
紐約
洛杉磯
其他美國地區
香港 台灣 北美
 
2018年04月13日

中環在線:香港後生仔 六成月光族 - 李華華

右起為Visa香港公共關係總監何嘉雯、寧波第二中學企業、會計與財務概論科科主任蕭振武、香港教育大學教育政策與領導學系講師何振聲。

大家成日話要及早教理財,等啲後生仔唔好先使未來錢,不過有調查發現十個香港青少年,有六個曾經係「月光族」!

調查訪問1,270名年齡介乎15歲至19歲嘅中學生,發現九成人明白審慎理財重要性,不過超支情況仍然常見,近六成受訪學生曾經試過超支,其中三分一仲係長期月光族,每年有三個月或以上嘅時間入不敷支;另外只有9%人表示有詳細紀錄個人開支。

現任寧波第二中學(其中一間受訪中學)嘅蕭sir就話,對調查結果唔意外,眼見近年學生嘅消費模式轉變,例如一放假或者畢業,學生就會去旅行,「近近哋」飛韓國、日本,誇張啲就飛歐洲。

不過佢都明白,咁多平機票,加上學生哥係最無負擔嘅年紀。Any肥,佢就希望可以再早啲同做多啲理財教育,畢竟將來依然「搵幾多,使幾多」嘅話,都唔會儲到錢。

Visa連續四年贊助「全港通識理財問答比賽」下星期一正式展開,各位中學生不妨測試吓自己嘅財務管理認識夠唔夠。

李華華

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載