› 選擇地區
三藩市
紐約
洛杉磯
其他美國地區
香港 台灣 北美
 
2018年04月13日

智取大市:美國的如意算盤 - 晉佳

近日美國處理中國以至俄羅斯事宜上快刀斬亂麻,效果上對美國資本市場負面影響減到較低。

大家最覺得難搞嘅事,係驚各國領袖將維護股市變成次一等任務。好就好在,習近平出咁多招,等同向外宣示佢對於金融體系同資本市場嘅高度重視程度,並無因為近排貿易戰而減退,呢個舉動絕對較受投資者歡迎,同時亦有利阿里巴巴等大型科網股回歸A股,再為下一步棋鋪定路。
如果因為咁,港股吸引到更多國際投資者嘅話,特朗普就算贏到選票,美國喺資本市場牌面上已蝕底咗,侵侵亦未必想係咁。在於美國立場,相信較理想嘅做法係將要做嘅事情速戰速決,連珠爆發有威勢之下,有利特朗普爭選票同時,亦令美國「東征西討」嘅時間縮短,將美股資金可能流出嘅時間縮到最短,亦能盡快挽回市場信心。美國處理中國以至俄羅斯事宜上快刀斬亂麻,就連facebook教主朱克伯格出席美國國會聽證亦喺同時進行,令市場不穩定嘅因素一次過祭出,效果上對美國資本市場負面影響減到較低(最低當然係乜事都唔搞)。
中國打出嘅金融開放牌對市場有正面影響,目前情況似一正一負因素鎮住港股。須知道啱啱中國宣佈嘅開放措施,斷唔會收返,目前係期望貿易戰以至美國向任何國家發動嘅政治矛盾壞消息短期盡出。反彈浪,繼續估會出現。

晉佳
http://fb.com/advanceguy1
本欄逢周一、三、五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載