› 選擇地區
三藩市
紐約
洛杉磯
其他美國地區
香港 台灣 北美
 
2018年04月13日

會師中環:佛系會計等運到 - 神仙丁

正所謂「眾生皆有佛性」,其實有時會計這一行都幾「佛系」。

近期流行講「佛系」,所謂佛系,就是做人不用強求,緣份一到自然水到渠成,講得通俗啲,就是「等運到」。
正所謂「眾生皆有佛性」,其實有時會計這一行都幾「佛系」。以製作上市公司年報為例,核數師和客人就總會抱着「船到橋頭自然直」的觀念,很多事情會拖得就拖。歸根究底,是因為客人通常都會預先準備好年報,核數不過是一個額外程序,而且製作年報又有一條既定死線,是大家都不敢延誤。結果大家都知道只要等到死線一刻,年報就會面世。所以很多時客人會對核數師的要求一再拖延,說穿了就是在等事情塵埃落定,到時候自然可以做少啲嘢。正是這種「緣份到了,年報就自然搞掂」的心態,不少審計程序到最後都會不了了之。
會計行業另一個「佛系」例子,就是Big4不少合夥人都甚少主動搵生意,相反,佢哋會採用守株待兔的策略,祈求生意從天而降。佢哋經常留守辦公室沉醉於數字之中,很少外出搵客聯誼,有時我真係會懷疑佢哋係點先可以跑夠數搵到生意(合夥人係需要跑數)。或者佢哋都相信「緣份到了,生意自然送上門」,可惜依我所見,通常都係有緣無份,搵唔到啲咩大生意。講到這裏,大家可能終於都明白Big 4之所以被稱為少林寺,除了因為夠辛苦外,夠「佛系」都可能係一個原因。

神仙丁
《審計搵丁》負責人
http://facebook.com/AuditSlave/
本欄逢周五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載