› 選擇地區
三藩市
紐約
洛杉磯
其他美國地區
香港 台灣 北美
 
2018年04月16日

智取大市:換衫直播玩謝I.T - 晉佳

I.T業務主要分香港、大陸同日本,香港俾網購打到暈。資料圖片

相信有跟開此欄嘅朋友,都發現近期小弟推介嘅多數係零售股,目前繼續睇好。近期I.T(999)都升得唔錯,但種種因素,令佢喺零售復蘇浪潮食得冇咁應,暫時唔喺小弟心水股之列。
I.T業務主要分香港、大陸同日本,香港俾網購打到暈。𠵱家日本品牌時裝好多網購渠道,喺香港,大把女仔live住逐件新衫換畀你睇,睇完即訂,邊有人會去I.T買衫畀佢食夾棍,更慘嘅係當咗I.T係試衫室,試唔啱,唔買;試得啱,去網購代購度買。去希慎廣場個I.T,無論乜嘢時候,只會有人排隊食FLIPPER'S,好彩仲可能撞到秀樺同仲學,食飽,再去誠品買杯天仁茗茶。如果香港零售業務完全廢武功,I.T受惠零售復蘇程度自然冇咁大。
喺大陸,好就好在死唔晒,網購代購點勁,都難敵得過消費稅、增值稅,質地摸上手只要好過江南布衣JNBY之流,都仲有少少競爭力。江南布衣都交到數嘅日子,I.T大陸條數都未必衰。更重要係靠Bathing Ape表現,日本半年盈利增長逾三成。
I.T股價還不錯,但係拍埋其他零售龍頭確有點輸蝕,撇除炒業績嘅話,不算差,但有點雞肋吧。

晉佳
http://fb.com/advanceguy1
本欄逢周一、三、五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載