蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年04月21日
馬上成為壹會員

業主:視野夠開揚 可睇煙花

【本報訊】第一代居屋觀塘順緻苑業主古婆婆接受本報訪問,她表示,一家五口原居住柴灣公屋,於40年前政府宣佈開售第一期居屋時就馬上申請,結果幸運地抽到十幾號籌,僅以14.8萬元就購入順緻苑的頂層複式樓王。
不願上鏡的古婆婆分享當年睇樓時的經過,「大仔當年一見到呢間屋,就話愛呢度!」於是我哋就寫咗呢個(門牌)號數落去,遞畀佢(房屋署)。」古婆婆認為單位相當好住,但由於自己年邁,丈夫於早年去世,子女亦搬出去成家立室,現時只有細仔與她同住,雖然不捨得大屋,但認為兩人毋須住太大間屋,打算搬去其他子女家中一齊住,方便照應。

相關新聞:第一代居屋與新居屋大比拼

購物交通方便

古婆婆大讚大屋景觀一流,「當時樓上窗口可以推開爬上天棚,啲仔走上去,捐出去睇煙花,當年個窗口冇咁細,現在就改細咗。睇煙花睇得好清楚,到現在都一樣睇到,對面啲廉租屋又遮唔到,低咗落去,我哋比佢哋高所以睇到煙花。」
婆婆又分享屋苑附近的變遷,「買嘢梗係方便啦,以前行出去都冇車到,冇巴士到呢度,現在有巴士、小巴,長途、短途都去到,又近觀塘,好方便。」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載