› 選擇地區
三藩市
紐約
洛杉磯
其他美國地區
香港 台灣 北美
 
2018年04月26日

冰說聰明:誠哥鋪路為聯和 - 青冰

誠哥無啦啦入股奧立仕(已改名為力世紀),應該是為背後的玩家鋪路。資料圖片

年初分析過奧立仕(860),話以誠哥的身份,無啦啦走去幫手入股,應該是為背後的玩家鋪路。三個月過去了,奧立仕已經改名為力世紀,成功入咗港股通,北水現持有約1,300萬股,唔算太多,股價創過52周高位2.13,但唔知係佢本身質地一般,定係生不逢時,2月股市大跌就跟住見頂,這兩個月個股價都一浪比一浪低,早幾日1.60都跌穿埋。
昨天終於繼續鋪路之事,跟上海聯和簽訂諒解備忘錄,合作生產電動車。上海聯和的背景,可以重溫青冰在一月本欄寫的文章( https://bit.ly/2Hsi2JW ),或者自己google一下。力世紀近大半年都簽了很多諒解備忘錄,但實際嘢就欠奉,以咁嘅背景咁嘅人脈,都冇乜炒,要不是有誠哥,這股已算渾身妖味。
值得留意嘅係,力世紀早幾日公佈,執行董事小間裕康辭任,辭職原因係有其他業務要做。這位日本人係佢哋旗下的日本電動車製造公司的CEO,最頂癮係,佢仍然留任電動車公司CEO。這個本應為公司主力發展的業務,在近月明顯被其他新投資比下去,例如用2.7億元入股美國3D印刷技術公司Divergent,雖然只係揸27%股權,不過近來所簽的諒解備忘錄,主要都是圍繞這個Divergent而做,而巧合地,這間美國公司除了引入力世紀之外,上海聯和亦是主要投資者。
昨天的通告,關係終於提升至正式合作的層面,似乎這個才是公司的真實方向,而日本電動車可能只是一個假動作。又係嘅,一間珠寶公司,若果貿然搞3D印車,似乎講不通,但搞掂電動車,引入誠哥,再黎3D印車,整件事便變得順利成章,亦都較易獲審批。日本人是過客,說不定誠哥的份兒也只是鋪路而已。現時92億的市值,相信不是靠幾個諒解備可以長期撐着,日後跟上海聯和有更實質的發展,或者真係印到架電動車出來,再跟進也未遲。

青冰
http://fb.com/chingbing888
本欄逢周四刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載