› 選擇地區
三藩市
紐約
洛杉磯
其他美國地區
香港 台灣 北美
 
2018年05月08日

中環在線:
利福小股東向太子女sell product - 李華華

劉今蟾(左二)對小股東好有耐性。右二及右一為劉鑾鴻及劉今晨。 譚德潤攝

五月係上市公司開股東會嘅旺季,唔少小股東把握機會問管理層問題。噚日利福國際(1212)股東會內,有名小股東直情把握機會向管理層sell公司產品,呢招營銷手法絕對好過cold call!

利福國際股東會上,投票環節過後,大部份小股東都急急腳拎禮物走人,唯獨有位中年男士,走去同管理層傾偈,華華八卦,聽到佢同財務總監潘福全、執董兼太子女劉今蟾介紹自己公司有關改善室內空氣嘅設備。

呢位仁兄話,見SOGO就快舉行thankful week(感謝周),人流一多,室內空氣質素監控自然好緊要,佢留意到SOGO用嘅相關設備係其他牌子,趁機介紹埋自己公司都有銷售相關產品,叫今蟾考慮吓幫襯,仲主動遞上卡片。

面對小股東主動嚟傾生意,今蟾好有耐性聽,仲話會慢慢研究。呢位小股東咁有心,話唔定有一日真係做埋利福嘅合作伙伴啊。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載