› 選擇地區
三藩市
紐約
洛杉磯
其他美國地區
香港 台灣 北美
 
2018年05月09日

財女手筆:買兩邊,博爆邊 - Melody

市況接近無方向,投資者最忌大注見升追升,見跌追跌。資料圖片

大市自從年初創出新高後,經歷暴跌再反彈,再跌再反彈,行足3個月。只不過,反彈同下跌力度同樣越嚟越弱,波幅越收越窄,恒指大部份時間都喺30000點至31000點同上下擺動,雖然偶然會跌穿30000點橫行區底部,不過全部事後證明係假突破,換句說話,大市仍然未出方向。

係呢啲接近無方向嘅市況,最忌大注見升追升,見跌追跌,喺近月消息市之下,好易左一巴,右一巴,今日追升,聽日就大跌;到止蝕咗,佢又大升番去你入市位,個人越玩越無信心,到佢真係突破橫行區,你都會因為之前輸得太多次而唔敢再落注。喺家情況其實最好係咩都唔好做。

之不過如果想過手癮或者保持番對市場敏感度,其實可以用期權小注買兩邊價外call put,靜待大市出現突破。呢種做法有好處。股市永遠無得估,買兩邊,唔估升跌,只要大市出現單邊突破,贏果邊足夠cover輸果邊有突。不過要注意,天下無免費午餐,大市繼續橫行悶市,到期唔入價內,你有機會call put 一齊輸。所以,呢種做法唔應該瞓身去做,只適合小注刀仔鋸大樹。如果你抱住買得大,賠得大,其實應該過大海,仲方便快捷。

用小小資金買兩邊,博爆邊,試一試個大市,未嘗不可。

Melody

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載