› 選擇地區
三藩市
紐約
洛杉磯
其他美國地區
香港 台灣 北美
 
2018年05月09日

中環在線:王維基:做人專一啲好 - 李華華

王維基認為做人要專一,身旁嘅花旗香港及澳門區行長伍燕儀應該認同。

揀伴侶要專一,原來做生意都要「專一」!呢句係香港電視(1137)主席王維基講嘅。話說HKTVmall三月開始同花旗銀行合作開放應用程式介面(API),花旗銀行信用卡持有人喺HKTVmall網站或手機應用程式(App)濕平時,可以直接用花旗銀行信用卡積分去抵銷簽賬金額,唔使專登去返花旗App大搞一輪。

暫僅與花旗合作

噚日記者會上,傳媒追問王維基係咪齋同花旗銀行獨家合作,佢回應話「做好一個(API)再做一個喇,做人專一啲好啲!」嗱嗱嗱,佢呢個「專一」應該只係講緊同人做生意箒,佢話,「我哋每一段時間都會同一個exclusive(獨家)客戶合作。」
「專一論」一出,華華即刻八八卦卦走去搵資料,王維基以往有唔少緋聞㗎喎,先有女助手鄭蔚藍,後傳「政壇Angelababy」袁莎妮先係女友,兩年前,王維基參選立法會,接受陳志雲訪問時又自爆已經「恰當地處理婚姻狀態」,暗示回復單身。咁講法,王維基可能一早都知道,唔止做生意,感情生活都係專一啲好!

李華華
mailto:LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載