› 選擇地區
三藩市
紐約
洛杉磯
其他美國地區
香港 台灣 北美
 
2018年05月14日

中環在線:
子華神fans為撲飛申請信用卡 - 李華華

為博黃子華棟篤笑門票,贊助商DBS信用卡申請數目按月倍增。 資料圖片

為博黃子華棟篤笑門票,到底多咗幾多人申請贊助商信用卡呢?答案係DOUBLE!
話說早前黃子華「原則上」承認將會係最後一次搞楝篤笑,大家當然激烈回應去搶飛。一共26場多達15萬張門票依然一票難求,就算華華身邊都有唔少買唔到飛嘅朋友大呻。其實想有飛,唔一定要去排隊,有銀行就一早同子華神傾好,成功申請信用卡兼滿足到簽賬要求就可以得到門票。
咁啱華華同DBS香港區零售銀行業務及財富管理總監Ajay做訪問,梗係要問吓男神加持下信用卡申請量急增幾多,Ajay一提起就笑晒口,事關佢本身唔知黃子華係乜水(因為Ajay係印度人,無耐之前先嚟香港),佢都話子華勁!皆因大家想要飛嘅熱情度嚇親佢,信用卡申請數目按月倍增。同場兩位高層都異口同聲話突然多咗好多朋友,「因為個個都知你喺星展做,想問吓有冇飛,甚至身處新加坡嘅朋友都問埋一份!」
今次咁成功,佢哋就話感受到KOL嘅威力有幾大,仲啟發咗佢哋嚟緊都會繼續呢個策略。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載