› 選擇地區
三藩市
紐約
洛杉磯
其他美國地區
香港 台灣 北美
 
2018年05月16日

中環在線:議員忽然關心手機支付 - 李華華

陳健波(左)同李慧琼似乎好關心香港人幾時可以使用電子錢包跨境電子支付。資料圖片

金管局噚日上立法會財經事務委員會滙報,議員明顯關心多咗fintech(金融科技)發展,例如李慧琼議員問香港人幾時可以使用電子錢包跨境電子支付,「汽水都買唔到,起條橋有咩用呢」?

唔止李慧琼,連陳健波議員都問埋一份,話香港人幾時唔使返大陸開銀行戶口先開通到內地電子支付,「香港人帶錢,畀內地人笑㖭啊」。華華心諗,兩位咁關心電子支付,唔知平時用現金多,定儲值支付工具多呢?

金管局總裁陳德霖當然搭到嘴,佢回應話家香港爭取緊大灣區跨境支付先行先試,遙距內地銀行開戶都係清單入面嘅試點,而最快今年11月有本地銀行開通跨境支付錢包,有儲值支付工具都做緊,等緊審批喎,到時議員就可以返內地「掃一掃」喇。

李華華

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載