› 選擇地區
三藩市
紐約
洛杉磯
其他美國地區
香港 台灣 北美
 
2018年05月19日

【動畫】網民爆粗鬧CS被解約!
霸氣HKT:還返4部手機先

唔少人都好鍾意利用網上平台去投訴,結果中箭嘅反而係投訴人。最近就有網民,喺FB出Post,話自己俾香港電訊(6823)旗下1010接線生Cut線。

事緣係咁,投訴人就話星期二打去客戶服務熱線,不滿自己被Hold住條線兩至三分鐘,之後仲俾接線生Cut線,佢一怒之下就投於到去香港電訊董事總經理艾維朗。點知唔投訴尤自可,一投訴去艾維朗度,香港電訊就決定Cut呢位投訴人份約,懲罰惡客,唔做佢生意!

香港電訊首席法律顧問親自回覆呢位投訴人,就話公司已經聽返錄音,完成調查。

公司強調,「公司重視每一位客戶的同時,亦非常重視每一位員工。」,經調查發現,涉事客戶服務員已盡力去幫呢位投訴人,但投訴人用粗言穢語,對客戶服務員作出侮辱性嘅言論,於是決定引用合約其中一條款,主動中止合約!

1010更加要求,投訴人於月底前,歸還涉及合約嘅4部手機,包括2部iPhone 8 Plus 64GB、一部iPhone 8 64GB,同埋一部三星S9 Plus 64GB,而四部手機必須處於良好狀態。

至於事件放咗上網後,投訴人不單止得唔到其他網民嘅支持,反而香港電訊嘅回應,被網民一致讚好。

本報就事件,向香港電訊查詢,香港電訊回覆指,「我們不會公開評論公司與客戶之間事宜。」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載