› 選擇地區
三藩市
紐約
洛杉磯
其他美國地區
香港 台灣 北美
 
2018年05月23日

職場慧眼:佛系下屬點管理

面對佛系下屬,必須把話說得問得清楚明白,不要自以為是。互聯網圖片

「Son姐,最近我部門擴充,需要加多個主任級職位,本來我一心諗住難得有機會,梗係留番畀我自己嘅下屬,所以人事部問我要唔要登報紙請人我都一口拒絕。真係估唔到諗住畀機會佢,佢竟然拒絕!」

「唔肯升嘅理由係因為唔想孭飛負責任,就算加幾千蚊人工都係得不償失。佢話佢淨係想無牽無掛做番喺家日日做慣做熟嘅嘢,唔想辛苦又要學習又要管人多咁多嘢做,總之一句講晒唔想煩。但係佢又成日希望加人工,如果唔升職人工加得幾多?但有機會升職加人工佢又唔肯,我真係唔明佢究竟點諗?」

看得出你對這位下屬的工作表現滿意肯定,你一直有用心教導,很希望盡力提攜。不過你今次的失望,是你自己的一廂情願造成的,你怪不得他。其實你下屬是個甚麼人,你似乎根本不清楚,因為他經常提及想加人工,你就以為他想升職?是你表錯情搞錯了!不過你還是應該慶幸,他願意向你坦白交代表明心跡。你要吸收今次經驗,日後和所有下屬溝通應該把話說得問得清楚明白,不要再自以為是。

你這個提問要是早幾年send過來的話,我肯定把你那不識好歹大好機會擺在眼前竟然拒絕的下屬駡個狗血淋頭,我會非常之替你不值。不過今時今日,我不得不與時並進,認同不認同也好,今日對每一個人的意義本來就不一樣,不是每個人都需要有進取心上進心,不可能都像當年我們初出茅廬的時候,總希望步步高升出人頭地。其實整個職場生態環境根本完全顛覆,想當年人浮於事想搵份工幾咁艱難,如今有工冇人做只要肯做想搵工幾咁輕易。活到老學到老,我們不能一部通書睇到老。

做上司,好難做!

張慧敏

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載