› 選擇地區
三藩市
紐約
洛杉磯
其他美國地區
香港 台灣 北美
 
2018年06月04日

90後插畫師:由朝做到晚

【本報訊】插畫師搵食艱難,畫情侶之間的插畫或許更難,但一對90後情侶於網絡世界公然「放閃」,開頁兩年時間換來18萬粉絲。
《大大與小妹》是畫二人拍拖點滴的窩心淘氣小品,小妹一年前開始全職打理專頁及創作,男友大大負責供應靈感,「想像中的全職好開心,每日好『他調』,喺張床度畫幾張畫;但現實係不停做,由朝到晚。」為了保持人氣,小妹盡可能做到每日一圖,現時每幅圖穩定地收到逾千個讚好。

收入較打工時高

曾經有人誤解他們「搵好多」,「睇你點定義,我的收入是較打工時高,因為有時會推出自家設計商品、接到廣告,如果我每星期都有一條廣告,跟住每月出一件產品,我就可以賺到好多錢喇!」不過他們沒有選擇這條路,反而死守instagram平台,目前為止僅賣過一則廣告,她解釋不想太商業化,大大補充「我哋出圖係冇收到錢㗎,一蚊都冇。」當插畫家是為闖出自己一片小天地。
畫情侶插畫源自小妹內斂的性格,「我以前收埋(感受)唔講,淨係畫畫畀佢睇!」。後來忽發其想創立一個屬於二人的專頁,慢慢積累人氣,亦令他們驚覺情侶之間生活細節如此引起共鳴。開頁第三個月已有編輯邀約出書,現時不定期推出周邊商品如手機殼、風車、頸枕、公仔等。
今年首次擺年宵,選擇長沙灣「細場」而非維園「大場」,排隊人龍仍然絡繹不絕,「旁邊擺檔的公公婆婆都話後生仔你哋好叻,帶旺咗個場!」 但粉絲為何會購買這些商品?「他們會幫公仔打扮,帶他們去旅行、影結婚照,因為個公仔同佢哋有共通點,粉絲將自己代入去。」
現時小妹全職投入插畫事業,並認為趁年輕應要全情投入,「如果唔係幾年後冇乜人睇,已經冇呢個機會,倒不如搏一鋪。」
記者︰陳家恩

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載