蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年06月07日
馬上成為壹會員

七級偽術:語無倫次 - 彭瑪莉

Akbar al Baker肯定是外國商界中,大口仔中嘅大口仔。互聯網圖片

口不擇言的領導,全世界都有 。

美國嘅侵侵唔使講,港區代表港鐵馬時亨亦唔弱,那句「我哋話你聽ok就得」,以至後來解話嘅「無祈禱、天口熱」,都叫人嘩然。

外國商界中,卡塔爾航空嘅行政總裁Akbar al Baker就肯定是大口仔中嘅大口仔,狂妄自大、出言不遜、亂噏無謂,幾乎就是他的寫照。最近一單是這樣的:有記者問他,為甚麼卡塔爾航空行政總裁一職不能由女性擔當?此君毫無例外地衝口而出這樣的答案:「仲使問,咁具挑戰性嘅工作,當然必須男人做啦 !」言下之意,女人識條鐵咩。當下所有記者O晒嘴 ,一時之間也搞不清楚他是認真還是講笑。

不過也許今次不算最差,因為Baker君一講完,好似亦已意識到自己又再講錯說話,立即嘗試補飛,出番聲明話卡塔爾航空其實亦有不少女性機師及女性高層。但話已如水潑出,補飛有冇用,見仁見智啦。

此君衰性別歧視有前科,話說去年Baker總裁亦曾公開恥笑美國的空姐都是祖母級,反之,卡塔爾航空空姐平均只有26歲。此言一出,年齡歧視加性別歧視,自然被群起攻之,那一次,他無法子,必須毫無保留收回言論。

今次事件,有網民話不敢相信到了2018 年,還有說這種亂噏當秘笈的CEO。我會補一句,不敢相信2018年還會有機構包容這種大口CEO。真的,對大型機構來說,真係高級少少,一上任就會來一輪media training啦,有乜宜忌,早學早着。不過我明嘅,無論開頭有多戰戰兢兢,都會在一朝得意之後,忘得一乾二凈。

彭瑪莉

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載