› 選擇地區
三藩市
紐約
洛杉磯
其他美國地區
香港 台灣 北美
 
2018年06月07日

魚樂無窮:兩幅靚圖要睇實 - 唐牛

內地恢復國內航線燃油附加費,利好航空股,東航走勢最靚仔。資料圖片

港股再次示範炒波幅走勢,幾日時間三扒兩撥彈升千點,你信指數走不出長方形走勢,現時應該係食糊時間。當然,最好仍有一半貨在手,以免真突破出現會執輸,若然跟足劇本回落,又可以低位補貨,點計都係不敗之地。
六絕月暫時不絕更是靚絕,不過可見將來變數極多,其中最受市場關注的,一定是下周二(12日)的侵金會,兩位高手屆時會講啲乜,當然估佢唔到,但兩位波幅製造者走在一起,有得震冇得瞓了。
其他左右大市因素還包括儲局議息及世界盃開鑼等,唔知應該點做好?請重複睇本欄第一段。
內地日前宣佈恢復國內航線燃油附加費,每名成人旅客位位收費10蚊人仔,由冇變有,升幅係無限倍,自然刺激航空股幸福起航,瑞銀發表報告指新增收費有助改善盈利表現,當中特別看好東航(670)。事實上,三大內地航空股中,東航走勢的確最靚仔,只要企穩6.75元雙頂阻力,量度升幅可見7.5元。
講圖靚還要睇實三一國際(631),昨日大成交突破2.8元阻力,集團首季盈利1.72億元,按年勁升1.4倍,相當於去年全年盈利的75%,復蘇勢頭明顯,未來一年發盈喜的機會多的是,又是中線坐貨之選。

唐牛
http://fb.com/tongcow88
本欄逢周二、四刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載