› 選擇地區
三藩市
紐約
洛杉磯
其他美國地區
香港 台灣 北美
 
2018年06月08日

會師中環:「穿櫃桶底」唔易查 - 神仙丁

早幾個月爆煲嘅康宏,到現時仍停牌。資料圖片

最近新秀麗(1910)被狙擊,其中一個指控是指CEO隱瞞其家族公司與新秀麗之間的關連交易;無獨有偶,上年瑞聲(2018)被狙擊時亦有同類指控。講白一點,這類質疑就是指有人「穿櫃桶底」。當然,不是所有關連交易都是偷公司錢,在會計準則下「關連方」有嚴格定義,只要有足夠披露而該等交易係以正常商業條款進行,其實就冇問題。
對核數師來說,關連交易都算是高風險項目之一,因為一漏報就隨時惹禍上身。不過諷剌嘅係,核數師可以做嘅並唔多,因為這類披露主要靠公司主動呈報,而核數師通常都係核數過程中睇吓有冇其他與可疑第三方嘅交易。不過,如果該公司係有意隱瞞的話,例如為關連公司改一個完全九唔搭八嘅名,核數師基本上都冇咩可能發現到,畢竟總不能為所有第三方公司進行背景調查。
有見及此,核數師會要求客人簽一份書面聲明(Representation Letter),以確認客人已提供所有有關資料。這封信主要目的是保障核數師,對防止「穿櫃桶底」基本上冇咩作用,因為有心呃你都唔會志在簽多份聲明。例如早幾個月爆煲嘅康宏(1019),我相信都有簽呢份聲明,到最後還不是被人以向關連方借錢的方式,幾億幾億咁偷走啲錢。
講到尾,核數師經常處於被動位置,反而沽空機構好像對打擊「造數」更有心得,或者遲啲可以考慮搵佢哋去核數。

神仙丁
《審計搵丁》負責人
http://facebook.com/AuditSlave/
本欄逢周五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載