› 選擇地區
三藩市
紐約
洛杉磯
其他美國地區
香港 台灣 北美
 
2018年06月29日

老樓周記:大灣區睇樓小記 - 劉兆昌

港樓太貴,不少港人轉吼內地物業。 資料圖片

老樓因小手術後在家休息,始終是一名好活動的人,趁在旺角買東西順道到內地物業展銷廳走一走,在雅蘭中心樓下已經有多名老友記充當宣傳派傳單大使,見到路人就塞張單張,閒日都很落力。
走上19樓展銷區,眼前便見到大型易拉架,貼上某某內地發展商名稱,逾70個樓盤一覽無遺,場內已經有不少上了年紀的準買家看不同樓盤模型,呢度有個好處,並不同香港代理走過來搶答,係咁纏住驚死你唔買,場地有三至四名工作人員駐場,都好禮貌問有乜嘢幫到手。
老樓咁橋做過research,對某個廣東省樓盤有興趣,不過據工作人員說,這個樓盤已經全部售罄,推介同系同鎮另一個樓盤,兩房只需40萬人仔,有成500方呎,即係每方呎的1,000元港紙都不用,不過規模細,並不是主要內環區,距離火車站都要十多分鐘車程,見我無動於衷,便介紹一個同系同區另外一個較大型新盤,有三房單位,距離市中心五分鐘車程,不過要下月先賣。見我開始有興趣,游說周日先上去參加實地考察團,先了解再研究,。
「呢度兩層樓先買到香港一個200萬元車位,升值潛力大過香港」,又俾佢講中咗港人心理,港樓太貴,內地反而有很多機會。不過這位工作人員很坦白,曾因不合規建樓,個別樓盤遭政府查禁和清拆,亦有爛尾樓出現,這位代理若然賣香港樓,肯定被炒魷魚,太老實倒公司米。

劉兆昌
資深地產傳媒人
http://HKLau.com
本欄逢周五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載