› 選擇地區
三藩市
紐約
洛杉磯
其他美國地區
香港 台灣 北美
 
2018年07月02日

千金小姐為工作拼命
何厚鏵女兒:創業日捱16小時

今時今日,富二、三代千金小姐為證明自己有實力、有腦袋,紛紛創業或加入家族企業打拼,本報走訪澳門前特首何厚鏵女兒何芓諄、「糖王」郭鶴年女兒郭燕光及恒地(012)主席李兆基外孫女李敬恩,她們的創業營商路雖未算崎嶇,但絕不平坦,說到底,每個人都需要一份成功感去滋養人生。
記者:周家誠 張浚浩

相關新聞:非靠背景「美國無人識我」

創業初期日做夜做16句鐘,食無定時兼每日飲4杯咖啡至胃潰瘍,澳門前特首何厚鏵千金、手袋品牌Me Char創辦人何芓諄(Charmaine)一講創業可謂感受至深,「創業一定要堅持,啲人話一至兩年就成功係吹(水)㗎箒,喺未見曙光嘅日子,創辦人一定好辛苦!」
「你做過生意創過業就知,大概一年使費係幾多,冇可能短時間成功,自己由零開始一定辛酸。」Charmaine於2010年在美國開檔賣手袋,憑5萬美元(約39萬港元)起家,家人資助了一半,設計銷售一腳踢,全憑年輕有火諗到就做,「當時後生好多,對設計有熱情,鍾意就去做,儍到連Budget Plan都冇。雖然現時都唔老,哈哈!」
創業首四年,瓣瓣都要落手做,又要兼顧美國香港兩邊業務,每日工作16小時,「幫人打工,你只係一個數字,你唔會主動做同事啲嘢,人哋未必會高興,創業就乜都要做。」終於身體出警號,遂將美國業務交由當地拍檔負責。
她不認為手袋生意成功,只是上軌道而已,現美國香港收入各佔一半,年營業額至少6位數字,去年更有逾雙位數增長。她指,設計喜好很主觀,自己實屬幸運,第一次便接獲連鎖店Intermix一張相對大的定單。

港美客路不同 強調要變通

雖然手袋在美國大賣,又有名人揹袋加持,但來港卻水土不服。舉例,不少歐美客均喜歡有質感的豹紋皮,但香港客人卻嫌重,更愛輕身的牛仔布,所以她強調做生意就要變通,「市場唔鍾意,我啲貨賣完一批都要轉,唔係你話自己有幾好,而係市場認唔認同你。」
回顧八年創業,Charmaine表示,「試過唔開心到喊,未試過開心到喊」,最終還是要靠樂觀面對,「唔厚面皮點創業啊?做生意就要跌得低」。

相關新聞:四叔外孫女:藝術中發掘商機

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載