› 選擇地區
三藩市
紐約
洛杉磯
其他美國地區
香港 台灣 北美
 
2018年07月03日

關係疏離 第三代瀕瓦解

羅啟瑞(左)指細仔羅俊桸(右)諗嘢好哲學。

【本報訊】坊間不少人認為羅啟瑞是為錢而戰,但他強調是幫母親取回財產,為孝道而戰,「爸爸媽媽唔會錯得去邊。」「就算有啲阿哥幾叻,但我覺得我都搵好多錢,但我唔會同人講點搵錢法。」
公開資料中,羅啟瑞現時持有上市公司新褔港(1447),不過他在庭上介紹自己是股票投資者、內房發展商,同時亦是私人收藏家,據悉他特別喜愛張大千畫作。
羅啟瑞亦擁有美滿家庭,兩女兒打算向幼兒教育方向發展;大女羅寶瑋丈夫大有來頭,為「超人」李嘉誠左右手麥理思兒子麥國榮。細仔羅俊桸明年升讀大學,打算讀文學或哲學系,「佢諗嘢好哲學,最麻煩就係佢,一講就拗好耐,都係啲好複雜嘅人生話題,例如話生存嘅意義,我話十幾歲唔使講呱,但你要講冇辦法,唯有奉陪啦。」
大仔酷愛卡通,「細個長期瞇住電視,好細個就喺度畫卡通,逐頁逐頁畫,仲寫埋對白,可以當係本書咁睇。佢嘅世界好豐富,自給自足好開心,但唔好嘅就係完全冇外人入去,世界好唔真實,但𠵱家長大唔同晒,佢個世界要人入嚟喇。」

相關新聞:WhatsApp成呈堂證供

呼籲家族睇清楚件事

多年以來,羅家每逢周日均有家庭聚會,但炒大鑊後,第三代開始疏離,「冇機會見,亦都尷尬,佢哋嘅子女可以點做呢?」聆訊十四天內,羅嘉瑞陣營子女亦未有到庭旁聽,「我哋察覺到三個阿哥嘅細路仔都冇嚟過法庭,我成日呼籲成個家族要睇清楚件事,你唔睇清楚點知對錯,咁點教你哋啊?」
羅啟瑞又自豪自己付諸實行,「有個(孝)思維然後再去實踐,年青人可能未到咁嘅涵養,就算分清楚對與錯,但未必有勇氣去面對,要承認自己爸爸媽媽嘅錯要好大勇氣,所以一步一步行,佢哋醒嘅話,對下一代係福氣。」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載