› 選擇地區
三藩市
紐約
洛杉磯
其他美國地區
香港 台灣 北美
 
2018年07月06日

近港鐵站樓下有街市

珀玥樓下有街市,生活方便,惟老鼠曱甴特別多。
譚德潤攝

【本報訊】遠展(035)大圍新盤珀玥硬銷接近港鐵大圍站,事實上僅數分鐘步程,且生活配套一應俱全。雖然樓盤對出是八號幹線,但已採用隔音屏障。

相關新聞:遠展土儲涉資500億

毗鄰八號幹線

珀玥位於大圍美田路28號,由大圍站A出口步行穿過富嘉花園及金禧花園就抵達樓盤現場,實時計約7分鐘,由大圍站D出口直行會更快。抵達樓盤前經過賣肉、菜及生果的地舖,生活配套一應俱全,但有街坊也認為,樓盤近街市,老鼠曱甴特別多。而且位於大圍市中心,舊樓橫街小巷食肆林立,多不勝數,著名食肆如沙田強記雞粥等等,不愁無啖好食。
不過,街坊吳太認為美中不足是:「呢度無大型商場,無幾多間舖可以行下呢,麥當勞都無一間,百佳都執咗笠。」
現場可見,雖然樓盤對出見八號幹線,距離不足100米,但幹線已安裝隔音屏障。反而,大門對出美田路車輛絡繹不絕,繁忙時段車輛噪音較為明顯。珀玥處小學88校網,學校包括沙田官立小學、宣道會陳元喜小學等。

街坊心聲

相關新聞:無視娥六招 呎售逾2萬 地價每呎$2,871大圍新盤 麵包貴麵粉6倍

吳太:「400幾萬一層樓,睇你做咩工囉,食餐飯都六七十蚊,仲要無嘢飲,有嘢飲要八九十蚊,你睇香港開支幾大!」

崔先生:「離晒譜!脫晒節!2萬幾蚊一呎,大佬,一個月人工都買唔到一呎,點頂呀!打工仔邊到買得起呀!」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載