› 選擇地區
三藩市
紐約
洛杉磯
其他美國地區
香港 台灣 北美
 
2018年07月20日

三位名人論政府年金 只得一位想幫襯

政府年金7月19日接受登記,凡滿65歲以上香港永久性長者即可投保,計劃被視為「窮中產恩物」,各界名人又有何看法呢?

鮮魚行榮休校長梁紀昌,還有一年多才滿65歲,他有興趣參加計劃:「(內部回報率)好似有成6至7厘。」他指曾聽過不少銀行向他銷售年金計劃,「銀行始終有風險,退休金對於我哋嚟講係棺材本,我唔要求高回報,最緊要穩陣,就算係滙豐,都有可能冧架嘛!」

他指,現時香港每年通脹約2厘,如年金每年有約3厘回報已十分理想,利率比定存高的話已十分滿意。惟他憂慮日後情況:「美國加息,可見將來利率有機會升得好快,5至6厘都有機會cover唔到。」

他建議政府將年金回報率與最優惠利率(P)掛勾:「而家大約5厘,如果第日利率升,年金利率又不變,咁我咪蝕本,我相信政府唔會做損害市民嘅嘢。」

免費派飯給基層市民的深水埗明哥(陳灼明),剛過了66歲生日,他聽過不少街坊意見,指政策確實能幫助部份有需要的長者:「好多時老人家揸住30萬,攞唔到綜緩,食唔到幾耐,如果佢哋用呢個計劃,擺16萬入去,就可以拎埋高額長者生活津貼,夾埋都有三千幾蚊使,即係每日有百零蚊。」

明哥續指:「好似而家揸住100萬,樓就肯定買唔到,又唔知幾時有病有痛,有時睇吓醫生都話要十萬八萬,用嚟投資年金,每個月都有幾千蚊,一年都有幾萬蚊使吓。」

但他本人不考慮申請:「而家做食肆都有份糧出,就算之後退休我都唔會全身而退,搞活動我都有收顧問費,夠維持生活,福利留番畀有需要嘅人。」

影后鮑起靜(鮑姐)本身亦合符申請政府年金的資格,她向《蘋果》表示,自己財政一向由丈夫打理,很少理會。當她聽到「年金」二字時,隨即問記者:「即係擺喺度做存款咁樣?我…我唔知呀,或者有好多錢嘅人都可以咁做嘅。」

當記者簡短解釋計劃後,鮑姐表示:「即係嗰100萬(本金)以後無得拎番喇,咁做定期,你都可以拎番100萬㗎嘛,我真係唔係咁明。」她覺得計劃較複雜,反建議政府直接增加對老人的福利,「我覺得咁樣更加實際。」

全球樓行 Dream House零距離
https://hk.feature.appledaily.com/overseasproperty

相關新聞: 鮮魚行榮休校長「退休金最緊要穩陣」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載