› 選擇地區
三藩市
紐約
洛杉磯
其他美國地區
香港 台灣 北美
 
2018年07月23日

智取大市:違約風波有曙光 - 晉佳

內地推出中期借貸便利(MLF),被市場吹成「準QE」,相信對後市有刺激作用。 資料圖片

周三內地推出中期借貸便利(MLF)。對於銀行向產業類信用債投資,按信用級別發放資金,加上資管新規執行通知,對於投資非標準化債權類資產(非標資產)由一刀切變咗網開一面,希望鼓勵金融機構買返正常企債同時放水。
過去幾個月企債風波,將最差劣、最危險嘅信用債由佢爆煲,一來為市場進行壓力測試,二來方便中央摸底,知道喺真打破剛性兌付之下,有乜信用債會違約?有邊間接近違約?有邊間係安全?另一方面話畀企業聽,如果再財政問題再惡化,下次再閂水喉嘅時候就神仙難救,曲線叫班高負債企業醍醒定定,好自為之。如果短期政策方向由呢個moment反轉,的確收到上述效用。
MLF同資管新規放鬆,會有乜影響?首先,公募基金仍然可以適度投資非標,而銀行買產業類信用債又可以套取資金。銀行本身又怕買錯債違約要自己食屎,於是投資非標選擇會小心咗,趨向健康同市場化。同時市場信心逐步恢復,銀行就自然買債去藉着MLF套取新資金,資本市場資金流有機會由逆轉變至正向,對中港股可能係向好嘅轉捩點。
呢一輪MLF被市場吹成「準QE」,相信並非如花名般咁戲劇性,但對後市總有刺激作用。

晉佳
http://fb.com/advanceguy1
本欄逢周一、三、五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載