› 選擇地區
三藩市
紐約
洛杉磯
其他美國地區
香港 台灣 北美
 
2018年07月27日

智取大市:簡單的選股定律 - 晉佳

大型單邊升市裏面,多數係周期性股份跑贏增長股。資料圖片

翻查過去20年,中線跌市為期多數5、6個月,強如超大型跌市、09年金融海嘯(09年5月至10月)亦剛好好半年摸到個底。呢個現象反映,投資者由興奮、變恐慌、再變絕望,大概幾個月便能將市場預期,由一個極端去到另一個極端。呢一刻未知港股跌完大約半年,係咪需要一個反彈作為中轉站,定係有因素令市況再好轉,如按過往步伐,展開為其一兩個月反彈,相信到時會有更清晰答案。
無論乜嘢市況,都遇上一個問題,就係揀周期股定增長股?周期股大多跟隨經濟起落,周期股要展開可觀升勢,要配合大型政策、經濟升級等等轉捩點出現,要見底亦要投資者對經濟前景絕望時才出現。喺冇單邊市之下,其餘時間周期股都係呈上落市,只適宜候低吸納,所謂候低吸納,拿捏亦非常困難,因為估底往往唔易。
不過,大型單邊升市裏面,多數係周期性股份跑贏增長股。2015年4月港股大時代,強如騰訊(700)都成為升得最慢嘅股份之一,越單邊、周期股越跑贏。股災恐慌性買入、或遇上牛三的話,周期股勝增長股。
若炒股價破頂向上,絕大部份時間揀增長股較容易駕馭,原因係盈利增長未能估頂之際,資金偏向追入直至估值出現泡沫為止。若喜歡高追,多考慮增長股會較得心應手。

晉佳
http://fb.com/advanceguy1
本欄逢周一、三、五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載