蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年08月07日
馬上成為壹會員

金手指:俄鋁十蚊不是夢 - 孫柏文

如果用俄鋁對上十二個月嘅業績計,去到十蚊,市盈率都仲係11.5倍。 資料圖片

開市前,俄鋁(486)公佈咗佢哋嘅上半年業績。就算喺四月,美帝無啦啦話要(一拖再拖)咁制裁,盈利都升一倍。唯一瑕疵係唔派息。
如果用2017年下半,加今年上半年,用業績後第一個交易日收市價計,市盈率得番2.63倍。時見到啲神奇低市盈率,好多都係因利潤包含好多「水份」。不過,俄鋁係實數。
點解頭上有把美帝大關刀,都可以有咁大嘅盈利升幅?原因有如孫柏文十幾年前撈石油股分析員嘅第一份報告中講過,資源股有如一張永冇到期日嘅資源call輪。當生產A資源要10蚊,市價係11蚊嘅時候,就賺1蚊。不過當市價升到12蚊,如果成本唔變,盈利就係2蚊,升一倍。
早前嘅文章,我都講過話我啲探子滙報話俄鋁冇停過產,而囤積咗嘅產品,亦好快搵到方法運出。而客戶因為嚇親,驚冇料要停產,所以佢哋成條生產線都囤多咗鋁。仲有,全球產鋁最大國係大陸,原因係燒大量煤炭,造大幅補貼嘅電,去產蝕大本嘅鋁。等鋁廠有現金流去還亂借嘅增產能貸款。習大大最驕傲嘅政績,就係改善空氣污染,首要任務,打胡亂借貸。所以舊年大陸已大力打鋁產能,唔覺今年會變。
見本報數月前訪問過隱世青衣股神,佢都係一注獨贏買俄鋁。仲話十蚊一股不是夢(現價2.3元)。如果用對上十二個月嘅業績計,去到十蚊,市盈率都仲係11.5倍。雖然我有感覺俄鋁大股東唔會向美帝屈服,呢個制裁一拖再拖可能維持好耐,甚至以年計。不過希望隱世青衣股神又攻下一城。

孫柏文
獨立股評人
http://fb.com/shuen
本欄逢周二刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載