› 選擇地區
三藩市
紐約
洛杉磯
其他美國地區
香港 台灣 北美
 
2018年08月21日

財經人物:24歲KKday東南亞一姐
上級開口前先拆彈

24歲、打工三年,眼前這位臉上猶有青澀的梁珮珈,已身居旅遊電子商務平台KKday香港及東南亞區域總監,管理近40名下屬。一年前本報曾找她訪問,當時香港區業務每月營業額300至700萬港元,今天每月可做逾3,000萬元營業額。除了夠能力,年紀輕輕的梁珮珈驚人地是一名「專業打工仔」。
「我知道老闆要咩,你要喺老闆未諗到問題嘅時候,已經度定晒啲嘢﹗」初生之贖不畏虎,老闆就是喜歡她不怕錯的衝勁,「好直接㗎我個人,有咩好驚?最多咪炒我!」
撰文:余秉峰
攝影:彭大偉

相關新聞:港女遊韓可租「小鮮肉」

三年前,有「旅遊界橋王」之稱的KKday老闆陳明明,計劃進軍香港,梁珮珈獲聘為區內首位員工,本來只是做行政和推廣工作,幫分公司註冊兼租辦公室、營運facebook專頁等,半年之後卻被加派「跑數」這個重任,她並「冇Say No」,自認是性格使然,「我唔驚㗎。我本身唔係好怕挑戰!一間公司本身就係要賺錢㗎啦。」
梁珮珈表示,當年的應對是先仔細思量,覺得這不過是要「諗多步」,即吸引更多用戶瀏覽平台之後,再促成他們消費。她和員工參考用戶過往消費數據,分析google trend上的熱門搜尋字眼等,才決定設計甚麼產品,例如近日推出的「Oh My Oppa」,看準港女對韓國的情意結,找來小鮮肉提供一對一導遊服務,領着港女尋找地道韓式小食、漫步清溪川等。另一邊廂,香港人本身熱衷旅行,又花錢爽手,公司最新數據便顯示香港用戶平均一年去7次旅行,消費金額普遍較亞洲區為高。

老闆最需要係解決方法

然而,不是每個任務都一帆風順,梁珮珈打理印尼和泰國等5個東南亞地區業務,成為其煩惱根源。這些地區人口雖多,但當地人外遊的次數及消費力遠遜於香港,有一次還因宣傳開支超出預期,拖累當期區內業務的財務表現,遇到這情況,她未待上級開口已先行盤算,「自己要問到底出咗啲咩問題,identified晒啲嘢先。」她表示,業績不似預期,部份是受外部因素所致,未必與團隊有關,例如中止與不達標服務供應商合作而短期內未有替代者等,「老闆最需要嘅係解決問題嘅方法,要喺(匯報)嗰時畀到佢。」
在防守的同時不忘「進攻」,梁珮珈從營運數據中替老闆發掘其他「收穫」,例如提升了平台的覆蓋率和新用戶數量等,「話畀佢聽為咗啲咩而做呢件事(用多了錢),蝕錢係結果,但有唔同嘅嘢得到,呢啲要話畀老細聽。」

探問新想法 發掘機會

梁珮珈最愛參透上級最新的想法,老闆陳明明只有44歲,亦屬年輕,「公司大方向有時變咗呢,又或者老闆心態變咗,你未必知。」她會乘機把平日察覺到的不足或潛在問題,技巧地向上級請示,「我會同佢講,我發現到ABC咁樣嘅問題,會唔會有經驗可以分享畀我,等我知可以點樣做。」做人的心態應是既懂得發現問題,也懂得解決問題,「你(只係)唔知個答案啱唔啱,所以諗定3個答案去問你老闆,然後令佢畀一個最終嘅建議。」
這種方式令梁珮珈發掘出立功的機會,去年7月,她發現部份用戶在落定單的過程中,去到付款的步驟便卻步,猜測成因是海外手續費降低了香港用戶的消費意欲,於是與老闆討論,讓老闆也意識到問題,獲同意調動財務組增設專屬香港區的支付網關(payment gateway)。
梁指出,公司從此毋須港人付海外手續費,客戶投訴個案明顯減少,客人使用率亦有所增加,「(佢哋)當局者迷,唔會諗到海外手續費造成海外用戶嘅問題。」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載