› 選擇地區
三藩市
紐約
洛杉磯
其他美國地區
香港 台灣 北美
 
2018年08月23日

一路一帶:林偉駿沒忘初衷 - 斯郎

林偉駿憑一個「信」字跟日本人做生意,贏得日本供應商的尊敬。 資料圖片

周日聽到消息,心一下子沉了,六年來的點滴湧上心頭。你講嘢大聲,但不粗魯,每句話都不修飾。最初開零食店,以廠佬性格一直衝衝衝。外界笑你擴張太快,但其實你迫不得已,要從日本入貨,冇200間店根本食唔晒。
就算競爭有幾大,你冇抱怨被打壓,敢於主動認錯。行入阿信屋,先知原來歐洲嘅手工意粉,可以咁平。你話「其實香港所有商品都貴人一截,唔信帶你去日本睇吓。」你唔係吹水,半年後真係去咗東京。
東京都頭三大供應商,紅色招牌嘅,過百年來從未試過供貨到香港,卻被你傾到了。去到貨倉當日,日本老闆田先生親自出迎,握着我的手強而有力,第一句就說「多謝你們香港,幫了我一個大忙。」當年日本311地震,日本很多商家放低面子,終於要開放市場。田先生跟我說,惠X曾找上門,但他拒絕了:「我只會跟林先生做生意,因為我尊敬他。」細問之下,原來田先生跟阿信屋無簽過任何合約,做生意全憑一個「信」字,六年過去,你的誠信,大家都知道了。
過年一聚,講起退休,你咬住件叉燒話廠佬冇得停,「其實我唔返工都得,公司好明白我嘅方計,我唔做,都會繼續賣平貨!」林先生,安息吧,你的同事不會辜負你的。

斯郎
http://fb.com/oneroadonebelt/

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載