› 選擇地區
三藩市
紐約
洛杉磯
其他美國地區
香港 台灣 北美
 
2018年09月07日

經濟客飯:連鎖店贏在平平無奇 - 曾國平

連鎖店的價值,正正就係平平無奇夠predictable,節省了顧客的訊息費用。資料圖片

我是每次出街食飯都做定功課的麻煩友,看網上評論又好,問朋友又好,要確保值得一試才會幫襯。這行為其實符合需求定律:每年只有幾個月在香港,在這個美食天堂的每一餐都相對珍貴,「食錯嘢」的代價沉重,選擇自然就謹慎起來了。
於是乎,我在香港很少幫襯連鎖店,多數去一些特別又吊腳的地方。
存在即合理,連鎖店遍佈香港總有原因。行入香港一個普通商場,總有伴你成長的幾間快餐店,有集團式經營的中式酒家,有看似獨特但原來都是同一個老闆的西餐廳,唔少得的就當然係兩大連鎖咖啡店其中一間。行商場沉悶,正因為舖頭來來去去差不多,好易行到厭。
連鎖店的價值,正正就係夠悶:食物質素普通,服務態度咁上下,連室內裝修設計都同一風格,顧客未入到去都大概估到會有一個如何的體驗。例如我去某快餐店食個豬扒飯,我知道不會好食到「嘩」一聲叫出嚟,但也不會難食到不能下嚥。平平無奇夠predictable,其實節省了顧客的訊息費用,不用預先做功課(你估個個好似我咁得閒),唔使煩唔使諗,方便得閒死唔得閒病的香港人。換個左翼煽情講法,「地產霸權」一方面迫使香港人努力工作,同時又助長「連鎖店霸權」,好惡毒呀!

曾國平
美國維珍尼亞理工大學經濟系副教授
http://fb.com/economics3.0/
本欄逢周五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載