蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年09月07日
馬上成為壹會員

會師中環:大陸股票如種菜生意 - 神仙丁

大陸公司嘅股票性質如同種菜一樣,非常容易受政策風暴影響,一吹就爛,結果就是稍有收成就收割。資料圖片

大陸政策朝令夕改,近期教育股和股王騰訊(700)就因為政策風向改變而遭殃。這種因大陸「一言堂」制度產生的獨有政策風險,令投資者難以透過長期持有創造價值,結果就是大眾都沉迷短期上落的投機博弈。
早前李澤鉅曾表示佢做嘅係「種樹嘅生意,唔係種菜嘅生意」。佢係咪種樹我唔評論,但講到種菜,大陸公司股票就一定係代表。種菜之所以有別於種樹,係菜十分脆弱,一遇風吹雨打就好易壞死,而且農夫要年年收割。大陸公司嘅股票其實性質一樣,同樣非常容易受政策風暴影響,一吹就爛,不堪一擊。這種脆弱,令大家變成驚弓之鳥,經常擔心自己投資嘅公司會不會處於風暴之中,結果就是稍有收成就收割,有時候甚至連大股東都一齊收割,最後公司自然養唔大。
種菜種樹是個人喜好,有人喜歡快速收割,亦有人鍾意細水長流,最重要係唔好揀錯市場。大陸的土壤明明只適合種菜,你又偏偏要去種樹,妄想棵菜生到成棵樹咁高,係不切實際。李澤鉅要種樹都揀了英國同澳洲,大家如果要投資種樹嘅話,係咪都可以孝慮吓外國市場?君不見美國棵「蘋果樹」生得又高又靚,收成源源不絕,市值剛破萬億美元,𠵱個𠵱香港同大陸嘅土地係永遠都做唔到,種幾多菜都補唔返。

神仙丁
《審計搵丁》負責人
http://facebook.com/AuditSlave/
本欄逢周五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載