蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年09月13日

雷曼爆煲10周年
李令翔:大家對風險意識鬆咗

10,645

十年前,代表金管局處理迷債苦主投訴及存款保障的李令翔說,自己不是預言家,但「雷曼畀我睇到兩個字就係風險」,而風險意識有周期循環,「隨住時間流逝,大家對風險意識又好似放鬆咗。」
記者:劉美儀

雷曼倒閉引發世紀海嘯,距今整整十年,離亞洲金融風暴又剛好廿載,金融市場每有十年一䕃的宿命陰影,當前中美貿易戰雲密佈,新興市場貨幣岌岌可危,新一輪風暴是否隨時來臨?
李令翔現任按揭證券公司總裁兼金管局高級助理總裁,局內工作逾廿年,除了雷曼,亦親歷1998年亞洲金融風暴、2000年科網股爆破及2003年SARS打擊。
「當時香港人好悲觀」,同樣雷曼爆煲後,大家對風險意識亦防備十足;不過十年過去,「現時開始聽多咗,樓市點會跌呀……比如年金穩陣就唔鍾意㗎啦喎,不如買股票好過。」
迷債出事後,立法會議事廳內拗得最熱烈的,就是監管當局先知先覺還是後知後覺。李令翔認為,金融風暴來臨前「唔係你可以預計到」,但無得預計亦要預備,本港經歷多次風暴洗禮,抵禦能力已比以前強勁,「可以安然度過的機會亦係好高」。

葉約德:銷售者未必知風險

雷曼風波為本地行為監管及違規銷售奠下分水嶺,刷新監管一頁,但相類危機或不當銷售,就不會再發生嗎?首位被立法會傳召就雷曼調查作證的銀行家──星展銀行(香港)前行政總裁葉約德坦言:「實會有!」
追求更佳回報「係人性需要」,特別退休一族需要回報去維持生活水準,她記得當年電視訪問中,一位迷債苦主曾說:「賣畀我嗰陣時話,除非有天翻地覆嘅事發生,否則我就冇事。」
「佢唔明白或接受唔到,現時發生嘅事(雷曼倒閉)就係天翻地覆。」她不諱言,「呢個世界真係好唔公平嘅,有啲人係非常之辛苦,非常之唔好運。」那麼,邊一方要負最大責任?「我話個個都有責任……到現時我都唔相信,所有銷售者都知風險喺邊度!」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載