› 選擇地區
三藩市
紐約
洛杉磯
其他美國地區
香港 台灣 北美
 
2018年09月18日

金手指:傳說中政務官試題 - 孫柏文

今次打風,爭端最大係第日返工嘅安排。如果係以前殖民地政府,政務官應該識得執生。

香港有個都市傳說,就係以前考政務官,最後一個考試試題,就係問一旦香港發生大型突發事故,例如紅磡海底隧道穿咗個窿,啲水湧入管道,政務官會點樣執生?\
根據同一傳說,因為華人考生去到呢一關,冇model answer去死背,合格率非常之低。因不合乎當時港情,所以英國佬最後一炮過取消呢一關。呢個傳說是否屬實,真係唔知。不過又一次發生鞏固呢個傳說流傳力嘅事件。
今次打風,爭端最大係第日返工嘅安排。孫柏文好希望本報記者,追晒所有因噚日員工遲到罰人嘅僱主,呢隻古仔會非常有趣。我喺度諗,如果係以前殖民地政府,一個電話畀所有行會啲大孖沙成員,銀行、交易所、寫字樓,應該好快會有執生方案。
香港咁多年來,被中央派港人士領導,搞到我鬥你,你鬥我。其中一個後果,就係當天災發生時,冇咗殖民時代嘅社區通訊網絡,即政府啲官同社區人士,有足夠嘅人際關係,叫人「拍硬檔,幫幫手」。
我亦希望,從今開始,所有BBA課程,教人力資源管理時,教埋點處理返唔到工嘅情況。叫林鄭月娥做奶媽,唔通真係個個未戒奶,屎尿都唔識自己搞掂,吓吓要政府?
最後,俄鋁(486)最新消息係,制裁已名存實亡,應該有得繼續升。

孫柏文
獨立股評人
http://fb.com/shuen
本欄逢周二刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載