› 選擇地區
三藩市
紐約
洛杉磯
其他美國地區
香港 台灣 北美
 
2018年09月19日

與特朗普做朋友 不做生意

蔡志明的辦公室,周圍都放滿照片,最多是家庭照,亦有與商界名人的合照,包括現任美國總統特朗普。蔡志明憶述,有段日子他迷上了賽車,有自己的車隊,亦不時專程到外地觀賽。有次,他在賽車場巧遇當時仍從商的特朗普,就合照留念。兩人志趣相投,有一陣子相當老友,而特朗普更「摟」他一齊做生意,但蔡志明即耍手擰頭話「做朋友就得,生意就咪搞!佢同以前一樣,都係成日變。」

相關新聞:生命中有兩個重要女人

談曹貴子「搵佢都冇意思」

蔡志明40歲前一直忙於工作,連太太都勸他出去玩。現在,蔡志明不愛駕跑車,而是回歸大自然,每年與太太到澳洲三、四次,出海釣魚,他講得高興,更即場開手機,向記者展示他釣到的大魚。一度和他「糾纏」的曹貴子目前行蹤不明,盛傳也是「走佬」到澳洲的墨爾本。蔡志明月前亦到相距近900公里的悉尼釣魚兼談生意,但兩人無見面,「搵佢都冇意思,傾咩嚟?我睇佢見到我仲驚添,(你話原諒咗佢?)係,但佢做咗咁多嘢,佢自己心中有數啦,我嬲人就嬲得唔耐嘅,盞激壞自己。」
最近,蔡志明在韶關買了五座山頭,自家種葡萄、南瓜,更建釀酒廠,「紅酒嘅水準仲差好遠,但做汽酒就OK。」
訪問期間,不時傳來狗吠聲,皆因蔡志明很愛狗,除了特意有一間屋專門養他最愛的狼狗,在辦公室裏亦養了兩隻可愛的松鼠狗。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載