蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年09月19日
馬上成為壹會員

港樓貴到不正常 買唔落手

蔡志明逾千呎的辦公室裏,其中一幅牆掛滿他買入的物業照片。過去廿多年,他不斷在市場掃貨,每次也低買高沽,幾乎從未失手。然而,對香港現時的樓價,就連這位「地產大豪客」亦慨嘆「太貴,買唔落手」,更明言看不通後市,「邊個話識睇(樓市),我覺得冇可能,現時世界唔同以前啦!」
蔡志明1997年起,成為本港地產市場紅人,幾年間連環斥逾十億元,掃入商業大廈、豪宅等。他說,旭日大小投資都做,「成幢(物業)嘅我哋又買,一個單位都會去買」只要計到數,回報最少有3厘,都會考慮。但自去年起,已減少投資物業市場,「真係越來越貴,買唔落手。買賣物業係睇回報,要考慮租畀人有幾多收入,放喺度有冇機會幾年後賣出去呢?如果回報得1%,點知樓價會唔會繼續高,若第二日跌返落嚟,咪投資不利。」
這兩年蔡志明買的主要是舊樓住宅,每個單位買入價約千多萬元,「過億嗰啲(一手樓)真係買唔落」,把單位翻新後再出租,平均租金約4至5萬元,「有3厘回報都OK,望佢升值。」他認為,目前香港樓價實在高到不正常,「我啲伙計好多都係大學畢業,兩夫婦都喺我公司做,都同我講供唔到樓,一年(人工加幅)有8至10%,都算唔錯,但佢哋唔生BB,都供唔掂。」

相關新聞:生命中有兩個重要女人

睇不透後市 轉投資澳洲

樓市未來走勢如何,蔡志明亦自言睇不透。他認為,中美貿易戰多少都會影響商家和廠家,若情形繼續惡化,樓價或會回落,「呢兩年我都好懷疑自己估計啲嘢啱唔啱,所以先搵第二條路。」他口中的「第二條路」,就是投資澳洲,他認為雖然當地物業不是特別便宜,樓價升幅每年約有5%至6%,但回報合理,例如商業中心回報有約4厘,悉尼北部更高至6厘,而且出租率高,兼有升值潛力,目標瞄準彈糧充足的中國新移民。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載