› 選擇地區
三藩市
紐約
洛杉磯
其他美國地區
香港 台灣 北美
 
2018年09月26日

智取大市:但求不打科技戰 - 晉佳

中國正全力發展AI、大數據科技,中美未來科技發展或有條件並駕齊驅。 資料圖片

貿易戰繼續受注目,中國只加注徵收600億美金美國貨額外關稅,似乎想暫時息事寧人、拖得就拖,buy time去全力發展AI、大數據科技,博美國錫身唔願意打真正嘅科技戰。只要雙方冇踩入對方科技發展底線,大家喺賽道上各有各跑,總好過出真正嘅七傷拳。或許如Google前中國區總裁李開復所言,中美未來科技發展有條件並駕齊驅。
近幾年AI、AR等等科技發展速度加快,科技板塊長遠點都未止境。單計阿里巴巴提出「五新」(即新零售、新製造、新技術、新金融及新能源),其中「新製造」係指生產會由標準化產品嘅時代,變咗透過大數據去分析每個人喜好,然後工業式生產Tailor-made嘅產品;「新零售」以大數據分析,可以推銷一樣你從未買過、但你將會喜歡買嘅產品,去達致消費升級;「新能源」係指每個人都有冇盡用、非24小時運作嘅電腦,未來可以透過出售電腦運算力賺錢,然後電腦運算力好似能源咁交易,用盡資源。再者,無人車發展,長遠大量釋放物流效率同運載能力。AI發展慢慢會將上述事情變得foreseeable,就算只做到部份,已經夠顛覆。

晉佳
http://fb.com/advanceguy1
本欄逢周一、三、五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載