蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年10月10日
馬上成為壹會員

置地門外:搵食啫!不要怪陳凱欣

黃子華金句:搵食箒。懂得這個道理,把壞人壞事當做搵食,大家頓時都會變得善解人意又討喜。 互聯網圖片

「If you cannot beat them, join them」這個是不變真理,眼見傳媒界中高層全是失蹤人口,人數之多夠開拍十季《記者去哪兒》。看看政府或私人機構要員名單,熟悉名字舉目皆是。三十年嘅苦練,用嚟對付前行家,終於大派用場。我不是新聞界老戰士,沒有堅定的信仰,知道真理不能當飯吃。做記者幾年,結婚生仔排住上,好運者才月搵兩皮幾,就算理想幾高尚,都要屈服馬斯洛金字塔,照顧好生理需求兼一家大細,所以不准人轉職未免太苛刻。
人原為吃飯沒甚麼可恥,最討厭是有人失驚無神受到士多啤梨山竹蘋果橙的感召,說對不起啊同志,加入是為了改變,還要hashtag「不忘初心」。噢,簡直是活雷峰。嗯嗯呀呀,瀉了一地,我的傾慕。
講起吃飯,最記得劉德華飾演的五億探長雷洛,最後一幕在湖邊回顧一生,問老僕人:你知唔知做人最辛苦係為咗啲咩?就係為咗食飯。有人解說,勞碌半生,名利權力理他作甚,時候一到,都是虛幻塵埃。我做人膚淺,僅看懂一個道理,原來身家五億的雷洛喪盡天良只是混口飯吃,歌影視長青樹劉德華出盡奶力也是混口飯吃。
黃子華總結得最好:搵食箒。懂得這個道理,把壞人壞事當做搵食,你我頓時都會變得善解人意又討喜。假若有日要消滅廣東話,你會說:搵食箒;假若有日用膠紙封住你口要你噤聲,你會醒目得連眼晴都閉上,說:搵食箒。
阿強說,唓,過多幾年政府搵你,慌你唔仆去做咩?嘿嘿,傻強你也把我看得太低,想我大好男兒,昂藏七尺,一身骨氣,怎會為五斗米折腰?
「如果搵你參加九西補選呢?」我沉吟半晌,義正辭嚴說:咳咳,根據手頭上資料,我睇唔到我篇文同補選有咩關係。嘿嘿林太太,說得可中聽?汪汪!

余有天

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載