› 選擇地區
三藩市
紐約
洛杉磯
其他美國地區
香港 台灣 北美
 
2018年10月30日

財路:資策勝在優質項目多 - 錢雋

資本策略揸住唔少超筍地段項目,中環些利街2-4號為其一。 互聯網圖片

美國加息,地產股又係冇運行,但加息有盡時,加埋睇得見將來,唔見得有大量土地供應,尤其優質靚地賣少見少,睇位兜資本策略(497)。

資策由4月時高位0.57元,到家陣短短半年,累跌咗47%,相對今年3月尾經重估後NAV1.9元,折讓咗84%。又資策同期連有擔保票據在內借款103億元,相對資產總額39.8%,又以重估股東權益190.8億元做參考,資策同期淨借款比率,得26.4%,安全到爆。

家陣美國加息,樓市吹淡風,但咁睇,資策啱過咗2018年度(3月尾),確認應住物業合約銷售權52.4億元,同期未確認入賬合約銷售額,應佔權益39億元,保障到資策嚟緊日子成績單表現。又加息周期唔會無休止,已經有分析估計,呢轉美國加息,去到下年結束,兼隨時掉頭QE。更重要係,喺新一期施政報告當中,好似滙豐報告所講,喺現成土地當中,農地轉換無重大更新,土地供應撥畀公共房屋比例增加,私人住宅供應短缺會加劇。係咪可以喺短期提供到大量供應,始終係問題,呢個情況下,中短線睇,對地產商特別係揸靚嘢地產商,係有優勢。

睇番資策,家陣揸住包括渣甸山白建時道、山頂道、中環些利街、尖咀亞士厘道項目,全部喺超筍地段,資策等另一潮肥仔增值。

呢轉資策再跟個市插,到2017年橫行區0.265元,估計已經有三底背馳,呢個位雞仔注先兜轉,當博反彈計,上番下降軌阻力0.32元,回報率20%,都有魚有肉,目標價PB,仲係得0.17倍,實情安全到痹。

錢雋
細價股專家
本欄逢周二刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載