› 選擇地區
三藩市
紐約
洛杉磯
其他美國地區
香港 台灣 北美
 
2018年11月09日

中環在線:羅兵咸籲富豪做定家族憲法 - 李華華

王志偉(左)話香港富二代參與家族企業比例增加,反而大陸就少咗。

香港大部份上市公司都係由家族話事,琴日會計師行羅兵咸做咗個調查,話白手興家嘅企業家好多都係「一言堂」,有佢講冇人講,到要交棒第二代有時可能發現無法將價值傳承,所以勸喻各位有錢家族,及早白紙黑字做定份家族憲法,成立埋個理事會,減少將來紛爭。

專門做家族企業及私人財富稅務策劃嘅partner王志偉話,香港富二代參與家族企業比例比起兩年前增加,由44%增加到57%,反而大陸就少咗,由前年71%跌到58%,佢就話係因為大陸第二代多數放洋,做藝術家做醫生,未必咁想幫老竇手。

有記者問佢,香港爭產案情節豐富,近年就有鷹君、新地,有咩值得大陸富豪借鏡呀,王志偉就笑笑口話,真係唔少大陸客咁問㗎,佢都係一句,及早預備,而分身家都要有技巧,先問第一代想點,再小心安排。

李華華
mailto:LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載