› 選擇地區
三藩市
紐約
洛杉磯
其他美國地區
香港 台灣 北美
 
2018年11月09日

智取大市:真假衰退定前路 - 晉佳

全球多個行業為經濟放緩做足準備,係真衰退定假衰退?來緊聖誕旺季見真章。資料圖片

美國民主黨奪得眾議院控制權後,市場預測不論係利好股市或利淡股市嘅政策,都會構成阻力。減稅阻力大,刺激經濟措施受限制,經濟預期自然差啲,從而可能令貿易關稅施壓空間減低,短期影響一來一去,睇唔到有動地驚天嘅轉變,況且股市反彈都作出一定程度反映。

經過一輪全球跌市之後,相比貿易爭端同樣成為關注點嘅,係未來經濟趨勢。上期講到全球多個行業為經濟放緩做足準備,hold住各項投資打擊上游需求,然後影響薪酬水平,再進而拖累消費,形成連鎖效應……一切係咪咁灰?聖誕旺季會係關鍵日子,係真衰退定假衰退?好快見真章,若要反映真衰退,股市會重返陰乾狀態。如果衰退冇出現,嚟緊一段時間會進入收貨階段,出年玩法可以完全唔同。

增長股仍有roll over效應,唔太受經濟周期影響,如頤海(1579)、澳優(1717)可以連日上升。未來大陸力谷本土有潛力消費品牌係大勢所趨,會係下一輪國策受惠股。李寧(2331)一對悟道2 ACE炒到今時今日,股價反彈已能返回大跌市前範圍,月底圖形成超大圓底,喺B Band中軸屢見支持,假衰退劇本實現嘅話,未來會係好選擇。

晉佳
http://fb.com/advanceguy1
本欄逢周一、三、五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載