› 選擇地區
三藩市
紐約
洛杉磯
其他美國地區
香港 台灣 北美
 
2018年11月14日

智取大市:全面升市已不再 - 晉佳

長線投資客嚟講,貿易戰係一個長期為港股價格打上一個7折、8折嘅Label。 資料圖片

特朗普掀起嘅貿易戰,經過超過半年消化後,股市一定程度反映政治不利因素,但係人都知,中美紛爭發展至此,根本不存在突然完全休戰嘅可能性,就算貿易戰一時三刻話有得埋枱傾,大家都不抱樂觀態度,傾到成果又好,冇成果又好,對好淡雙方嚟講,不會對習特會的結果抱太大期望,兩個大男人握晒手攬攬錫錫乜都好,都只係一個挾淡倉藉口。

對長線投資客嚟講,貿易戰係一個長期為港股價格打上一個7折、8折嘅Label,股市能否重拾升軌,就要喺政治因素足夠反映之下,各國會唔會有良方刺激經濟增長。未來總有一刻,股市投資者樂觀到相信貿易戰成為過去,到時反而要睇淡後市了。

明年股市最重大因素,會落喺經濟走勢之上。蘋果唔再公佈iPhone銷售數據,係咪代表科技產品可見將來銷售不濟,真心睇淡長遠前景?定係民主黨為主嘅大型科技股陣營對特朗普作出嘅控訴?點都好,科技股需要捱多一段時間,中間會有多次凶狠嘅挾淡倉。股市指數缺乏重磅科技股支持下強極有個譜,但只要中央頂得住股權質押問題,市場資金鏈開始見止血,選股或許有兩極化情況出現,一啲天堂一啲地獄。

晉佳
http://fb.com/advanceguy1
本欄逢周一、三、五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載