› 選擇地區
三藩市
紐約
洛杉磯
其他美國地區
香港 台灣 北美
 
2018年12月05日

智取大市:複雜環境的對策 - 晉佳

過往20年每次港股跌市途中,恒指出現第一支月線大陽燭反彈,之後的月份多數情況上落不大。 資料圖片

中美貿易戰嘅一連串好消息連珠爆發,甚至白宮經濟顧問庫德洛講到,中美喺知識產權問題「相當接近」達成協議,講到連核心問題都解決有望,大家依然係抱半信半疑態度(信五成其實畀多佢)。

長線投資者基本不會太在乎有冇多90日去談判,但關稅延後實施令人民幣即時貶值壓力減低,有利資金流之餘,內地企業經營壓力亦略為紓緩,結果刺激中港股大彈,跑贏美股。證明貿易戰同滙率、金融貨幣政策諸如此類,其實有着相互影響嘅關係。當每項貿易戰嘅變化出現時,會連帶左右其他因素,然後轉化成為對市場嘅影響。

相比過去,市場更多不明朗因素,令投資者會偏向保守一段時間,同時產生炒股不炒市嘅機會,強勢、弱勢股換馬可能相當反覆,超弱勢而死唔去嘅周期股,又或者免疫於貿戰兼業務有上升空間嘅股份,吼就吼呢啲。

睇恒指月線圖嘅話,過往20年每次港股跌市途中,恒指出現第一支月線大陽燭反彈,之後的月份多數情況上落不大,或呈下跌,再升多棍機會不大,呢個現象值得留意。


晉佳
http://fb.com/advanceguy1
本欄逢周一、三、五刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載